Cotas colexiais
COTA DE ALTA
A cota de alta págase no momento de solicitar a colexiación. Debe ingresarse na conta bancaria do Ceesg e engadir o xustificante xunto co resto de documentación, durante o proceso de solicitude a través do Portelo único do Ceesg.
- Xeral: 65 €.
- Redución para persoas tituladas recentemente: Gratis no curso inmediatamente seguinte ao do remate dos estudos.
COTA DE MANTEMENTO COLEXIAL
O colexio emitirá dous recibos ao ano para o cobro da cota de mantemento colexial, a través de domiciliación bancaria.
Estes cobros fanse por semestre adiantado (a finais dos meses de xaneiro e de xullo).
No primeiro semestre do ano súmase á cota colexial o importe do seguro de responsabilidade civil profesional (excepto para colexiado/a senior) e redondéase a cifra.
Cotas colexiais 2026
| Tipo de cota | 1º semestre (seguro RC) | 2º semestre | Documentación a presentar* |
| Xeral | 78 € | 73,34 € | Ningunha |
| Reducida por desemprego
Aplicable tamén a pensionistas, estudiantes que non traballan, situación de excedencia por coidado de fillas/os, situación de impago continuado de salarios, e colexiadas/os que non residen no estado español. Ou situacións equivalentes acreditadas. |
42 € | 36,67 € | Tarxeta de demandante de emprego (DARDE), ou acreditación pertinente segundo cada situación. |
| Reducida por salario inferior ao mínimo interprofesional (SMI) | 60 € | 55 € | Certificado da Tesourería Xeral da Seguridade Social acreditativo da/s última/s Base/s de Cotización. |
| Colexiada/o Senior | 36,67 € | 36,67 € | Resolución do INSS da xubilación. |
* Presentación a través do Portelo único do Ceesg.
Prazos para solicitude de cotas reducidas:
- Para cota primeiro semestre: do 1 ao 20 de decembro.
- Para cota segundo semestre: do 1 ao 20 de xuño.
No caso das redución por desemprego (ou análogas) ou por salario inferior ao SMI, mentres se manteña a situación que dea dereito a cota reducida, debe presentarse a solicitude en cada semestre. De non facelo, cobrarase sempre a cota xeral normal.
A cota de colexiada/o Senior só debe solicitarse unha vez, a través do portelo único, e será aplicable de xeito permanente.
