Nova CEESG

Novos grupos de traballo no Ceesg

17 - 01 - 2023

Os grupos de traballo son moi importantes para que dende o Ceesg poidamos abarcar actuacións en diferentes ámbitos de traballo.
Por iso, queremos abrir a proposta de creación de dous novos grupos de traballo, especializados en ámbitos que consideramos moi relevantes:

    Renda Básica e Educación Social.

    Educación Social en prisións.


Quen pode formar parte dun grupo de traballo?
Calquera persoa colexiada ou amiga do Ceesg. O único requisito é ter interese no eido do grupo e compromiso para participar.

Que fai un grupo de traballo?
Poden desenvolver distintas liñas de acción para a mellora da nosa profesión: elaboración de estudos e informes, organización de xornadas formativas e outras actividades de divulgación, creación de ferramentas de traballo, publicación de artigos… Así mesmo, poden ter un papel asesor aos órganos directivos e ao persoal do Ceesg sobre aspectos relacionado coa súa área de traballo.

Como funcionan os grupos de traballo?
Os obxectivos e actuacións de cada grupo de traballo defínense anualmente no plan que deben presentar á Xunta de Goberno para a súa aprobación e inclusión no Plan de traballo anual do Ceesg. Son as propias persoas do grupo quen establecen o xeito de estar en contacto.

Que facer para participar nos novos grupos?
Gustaríanos celebrar xuntanzas a mediados de febreiro, nas que xa poderían quedar constituídos os grupos de Prisións e de Renda Básica.
Se che interesa participar, ou queres informarte, escríbenos a servizos.colexiais@ceesg.gal ou chámanos ao 981552206. Estaremos en contacto coas persoas interesadas para marcar a data de xuntanza e poñernos en marcha.

En que outros grupos se pode participar?
Diverdade
, centrado en diversidade funcional, está nun momento no que precisa sumar apoios para poder continuar a súa actividade. Se tes inquedanzas sobre este ámbito, poñerémoste en contacto coas persoas do grupo para falar polo miúdo e que decidas se o grupo é para ti.
Outros grupos que existen son: Animación sociocultural e xestion cultural, Miolo (saúde), Escaravallendo/aBeira (infancia e familias), Fiadeiras (feminismos), e Geix (persoas maiores).

Quizais che interese

Outras novas

Horario de atención de xuño a setembro
Horario de atención de xuño a setembro

Do 1 de xuño ao 30 de setembro o horario de atención na sede do Ceesg será de luns a venres de 8:00 a 15:00 h.

Novas ofertas de emprego
Novas ofertas de emprego

Estas son as ofertas de emprego máis recentes publicadas na web do Ceesg:

  • Animador/a socioculturalEducador/a social
  • Axente de emprego e desenvolvemento local
  • Téc. De infraestruturas culturais
  • Responsable OMIX e oficina de turismo
  • Orientador/a laboral técnico/a
  • Animador/a cultural
  • Coordinador/a equipo intervención familiar
  • Téc. En educación familiar
  • Auxiliar educador/a
  • Titor/a de programas de emprego
  • Educador/a social
  • T. orientación laboral
  • Encargado/a responsable programas de emprego
  • Consultoría: Avaliación de proxecto
  • Consultoría: Formación
  • Orientador/a laboral
  • Téc. social
  • Educador/a social
  • Educador/a social
  • Educador/a social
  • Monitor/a de educación e tempo libre
  • Monitor/a de educación e tempo libre
  • Monitor/a de educación e tempo libre
  • Monitor/a de educación e tempo libre
  • Educador/a social
  • Animador/a sociocultural
  • Animador/a sociocultural
  • Monitor/a de tempo libre
  • Educador/a social

Se estás á procura de emprego, recorda visitar regularmente a nosa web para estar ao tanto de todas as novidades.

O Ceesg participa no Congreso Internacional de Xerontoloxía e Xeriatría
O Ceesg participa no Congreso Internacional de Xerontoloxía e Xeriatría

O XXXIII CONGRESO ANUAL INTERNACIONAL DE XERONTOLOXÍA E XERIATRÍA, organizado pola Sociedade Galega de Xerontoloxía e Xeriatría terá lugar os días 9 e 10 de xuño en Vigo, baixo o lema ‘SOIDADE E AILLAMENTO SOCIAL. Novos retos e recursos’.
O Ceesg terá parte activa no mesmo, impartindo o Obradoiro 3: ‘Soidade activa nas persoas maiores. Novo reto da Educación Social
Trátase dun achegamento á teoría sobre a idea da soidade enmarcada nos contextos da Educación Social e a construción entre as asistentes e as relatoras un marco reflexivo dentro dos efectos da soidade non desexada, no que aportar solucións profesionais e comunitarias, experimentando tanto, dende a perspectiva profesional coma da comunitaria.

Data: 10 de xuño do 2023
Hora: De 15:45 a 17:15
Lugar: Sala Dr. Fernando Veiga, Museo Verbum, Vigo

Presenta
Rosa Mínguez Moreira
Educadora Social. Vocal Social da SGXX

Relatoras
Lucía Chaves García. Educadora Social e Psicopedagoga. CEESG.
Florinda Vaamonde Romero. Educadora e Animadora Social. CEESG.

Programa completo e inscricións do congreso en https://congreso.sgxx.org/