25N, Día Internacional contra a Violencia Machista

25N, Día Internacional contra a Violencia Machista

Expertas en educación apoian a iniciativa ‘Por unha escola segura’

Expertas en educación apoian a iniciativa ‘Por unha escola segura’

Formación: Conéctate con cabeza. Prevención da violencia de xénero dixital

Formación: Conéctate con cabeza. Prevención da violencia de xénero dixital

Novas do CEESG

ACTUALIDADE

Novas ofertas de emprego

Estas son as ofertas de emprego máis recentes publicadas na web do Ceesg:

  • T. de Cultura
  • T. Educación Social
  • T. Orientador/a laboral
  • Axente de Emprego e Desenvolvemento Local
  • T. aux. de educación
  • Educador/a
  • Educador/a
  • Educador/a familiar
  • Axente de Desenvolvemento Local
  • Animador/a sociocultural
  • Axente de emprego
  • T. de Cultura Medio
  • T. Orientador/a laboral
  • Educador/a familiar
  • Director/a do CIM
  • Informador/a xuvenil
  • Educador/a social
  • Axente de Emprego e Desenvolvemento Local
  • Educador/a familiar
  • Educador/a de adultos
  • Axente de emprego
  • Prospector/a laboral
  • Orientador/a profesional para a inserción
  • Educador/a social
  • Educador/a para a saúde
  • Educador/a social
  • Educador/a social
  • Educador/a social
  • T. de orientación laboral

Se estás á procura de emprego, recorda visitar regularmente a nosa web para estar ao tanto de todas as novidades.

Novas ofertas de emprego
Horario de atención o Ceesg o 1/12/22

Hoxe 1 de decembro de 2022, a sede do Ceesg estará pechada en horario de tarde, por motivos organizativos.

Lamentamos as molestias.

Horario de atención o Ceesg o 1/12/22
Próximo cobro de cotas colexiais

No mes de xaneiro pasarase o cobro de cotas colexiais (correspondente ao primeiro semestre 2023)

Recordamos que existe a posibilidade de beneficiarse de cotas reducidas (por desemprego, residencia no estranxeiro, salario inferior ao SMI ou situacións análogas)

Quen queira acollerse a este tipo de cotas, debe presentar a documentación pertinente ata o día 24 de decembro, por correo-e a ceesg@ceesg.gal. A confirmación por parte do Ceesg farase no prazo máximo de 15 días dende a recepción, e o cobro ordearase na segunda quincena de xaneiro.

Documentación a presentar:

  • No caso de desemprego, tarxeta de demandante de emprego actualizada.
  • No caso de salario inferior ao mínimo, informe de bases de cotización da Tesourería Xeral da Seguridade Social.
  • Para outras posibles situacións, consultar co Ceesg.

Se no cobro anterior non te beneficiaches de desconto, recorda enviar xunto coa documentación xustificativa a solicitude de cota semestral bonificada

En caso de modificacións de conta bancaria dende o último cobro, pregamos que se notifique o antes posible enviando a ceesg@ceesg.gal o documento de domiciliación bancaria.

Próximo cobro de cotas colexiais
Achegas da Educación Social e a Psicoloxía ao anteproxecto de lei de acceso aos Servizos Sociais

Tras a celebración da Jornada sobre el Anteproyecto de ley de condiciones básicas para la igualdad en el acceso y disfrute en los Servicios Sociales, celebrada en Madrid, o 11 de novembro de 2022, presentamos o documento definitivo resultante deste traballo conxunto do Consejo General de Psicología e do Consejo General de Colegios de Educadoras y Educadores Sociales, no que se recollen as achegas a dito anteproxecto.

Achegas da Educación Social e a Psicoloxía ao anteproxecto de lei de acceso aos Servizos Sociais
Presentación do nº 82 da Revista Galega de Educación

O vindeiro luns, 21 de novembro, terá lugar na facultade de Ciencias da Educación (Campus Vida) da Universidade de Santaigo unha presentación da Revista Galega de Educación nº82, Cultura, terriorio e socioeducación. Neste acto intervirán:

Ana Parada Gañete; Codirectora da RGE
Rocío Núñez Rúa; Vicepresidenta do Ceesg
Lucía Iglesias Da Cunha; Grupo de Investigación SEPAinterea; autora dun artigo do monográfico
Fernando R. Lavandeira Suárez e Iván García García; Grupo de traballo Animación Sociocultural e Xestión Cultural do Ceesg. Coordinadores do monográfico
Xabier Riádigos Couso e Vanessa Otero Dios; Grupo de traballo Animación Sociocultural e Xestión Cultural do Ceesg. Coordinadores da entrevista do monográfico

Data: Luns 21 de novembro de 2022
Hora: 19.00 horas
Lugar: Salón de actos. Facultade de Ciencias da Educación (Campus Vida). Universidade de Santiago.

Presentación do nº 82 da Revista Galega de Educación
Xornadas de xestión cultural: Dalle xeito

O alumnado de Educación Social da Universidade de Santiago organiza as Xornadas de experiencias culturais Dalle Xeito, nas que se pretende dar a coñecer experiencias prácticas de proxectos de participación e sociocultura; favorecer o coñecemento de ferramentas e metodoloxías para a acción educativa no ámbito da sociocultura; poñer en valor a cultura propia como elemento identitario, e promover a reflexión sobre o perfil profesional do/a Educador/a Social no quefacer cultural. Contan, entre outras, coa colaboración do Ceesg.

As xornadas desenvolveranse os días 21, 23 e 28 de novembro.
O luns 21 comeza a actividade na Facultade de Ciencias da Educación (Campus Vida) coa presentación do nº 82 da Revista Galega de Educación, o monográfico que leva por título ‘Cultura, territorio e socioeducación’ e que foi coordinado por integrantes do grupo de traballo sobre Animación Sociocultural e Xestión Cultural do Ceesg. Intervirán no acto, ademais de varios compoñentes do citado grupo, a autora dun dos artigos publicados na revista e a vicepresidenta do Ceesg.
Continúa o mércores día 23 na Facultade de Psicoloxía (aula 7 (XV Viqueira, módulo B), con mesas redondas nas que se presentarán diferentes experiencias culturais vinculadas á socioeducación, e que poñen o foco na música como ferramenta socioeducativa e intercultural e na participación cidadá dende fóra do sistema.
Para finalizar, o luns 28 de novembro, na contorna do Museo do Pobo Galego, poñerase de relevo a cultura popular e tradicional como elemento chave para a formación da identidade, contando para este peche con pasarrúas de música e baile, artesanía, xogos populares, tradición oral…

A participación nas xornadas é de balde con inscrición previa.

Ir ao formulario de inscricións

Twitter das Xornadas

Instagram das Xornadas

Xornadas de xestión cultural: Dalle xeito
Educación Social para unha escola segura

Este xoves 17 de novembro celebraremos un acto no que se fará público o apoio de expertas/os en Educación á incorporación de profesionais da Educación Social na escola, como unha vía idónea para a atención ao factor social do alumnado, onde está a etioloxía da exclusión escolar. No acto explicaranse as liñas argumentais máis importantes que sosteñen esta postura que aposta por un cambio de modelo escolar.

Será un único acto que terá lugar simultaneamente nas tres Facultades de Educación das Universidades galegas, con intervencións dende cada lugar e establecendo conexión por videoconferencia. Trátase dun acto aberto ao que se poderá asistir presencialmente en Santiago e Ourense, e que tamén se poderá seguir a través de videoconferencia dende calquera lugar.

Horario: de 16:30 a 17:30 h.

Lugar:

  • OURENSE: Salón de graos da Facultade de Educación e Traballo Social da Universidade de Vigo (Campus de Ourense)
  • SANTIAGO: Aula 15, módulo A, da Facultade de Ciencias da Educación da Universidade de Santiago de Compostela (Campus Vida).
  • EN LIÑA: A través de zoom
    https://us06web.zoom.us/j/85802212854?pwd=Z1hhTU82eDFSMm9yQ3Fpekt4Z29iZz09

    ID de reunión: 858 0221 2854
    Código de acceso: 143055

Educación Social para unha escola segura
Listas de peritaxe xudicial 2023

Cada ano, o Colexio de Educadoras e Educadores Sociais de Galicia (Ceesg) elabora unha listaxe de profesionais dispostas/os a actuar como peritas/os.

A actividade pericial consiste na valoración obxectiva por parte de persoal experto dunha determinada situación ou feito, que pode ser influínte para a decisión xudicial, e pode ser empregado como proba nun xuízo. Este proceso está regulado pola Lei 1/2000, de 7 de xaneiro, de Axuizamento Civil.

As persoas que actúan como peritas/os prestan este servizo por conta propia (non hai contratación laboral co xulgado). Aínda que a formación e experiencia non son requisito para integrarse nesta lista, dende o Ceesg recomendamos ter formación específica na materia e experiencia como educador/a social, pois é fundamental coñecer como funcionan os procedementos xudiciais, as designacións, situacións de incompatibilidade, ter práctica na redacción de informes, etc.

Quen queira solicitar a súa inclusión nas listas de peritaxe, pode facelo cubrindo e enviando ao Ceesg a solicitude a servizos.colexiais@ceesg.gal.

PRAZO ata o 11 de decembro de 2022 (incluído)

Os datos que se faciliten enviaranse a Xulgados e Tribunais, ou facilitaranse ás entidades/persoas que poidan ter interese en contar cos servizos profesionais dunha/dun perita/o de parte.

Listas de peritaxe xudicial 2023
Xornada sobre o anteproxecto de lei de Servizos Sociais

Este venres 11 de novembro celébrase a “Jornada sobre el anteproyecto de ley de condiciones básicas para la igualdad en el acceso y disfrute de los Servicios Sociales” organizada conxuntamente entre o Consejo General de Colegios de Educadoras y Educadores Sociales y el Consejo Oficial de la Psicología.

Para a preparación da xornada creouse unha Comisión de Traballo na que participou a presidenta do Ceesg xunto a outras compañeiras e compañeiros doutros colexios membros do CGCEES e do Consejo Oficial de la Psicología, que formarán parte do programa.

As xornadas serán en Madrid e retransmitiranse vía streaming, a través do enlace que se facilitará ás persoas interesadas.

Esta xornada é dirixida exclusivamente a persoas colexiadas. O número de prazas é limitado e darase preferencia a aquelas educadoras/es sociais que teñan vinculación co ámbito dos servizos sociais.

Este é un acto de carácter exclusivamente interno, polo que pregamos que non se difunda nin o programa, nin o enlace de conexión.

Ver programa

Ir ao formulario de inscricións (ata o 8/11 ás 8:00) INSCRICIÓNS PECHADAS

Xornada sobre o anteproxecto de lei de Servizos Sociais
Video do XXI Simposio da Red Renta Básica

Os pasados 28 e 29 de outubro, estivemos no Paraninfo da Universidade da Coruña, como parte da organización do XXI Simposio da Red Renta Básica.

Os colectivos de Renda Básica de Galicia traballan a favor da Renda Básica como unha idea de transformación e xustiza social. Están presentes en varias localidades do país, A Coruña, Betanzos e Santiago de Compostela, e teñen un obxectivo común: difundir e xerar debate público sobre a Renda Básica para a súa implementación o antes posible. E con esta mesma motivación organizouse este Simposio no que o Colexio tamén tivo representación no programa.

Precisamente, queremos destacar a mesa das profesións, na que participou a presidenta do Ceesg xunto a representantes do Colexio Oficial de Traballo Social de Galicia, do Colexio Oficial de Psicoloxía de Galicia e do Concello da Coruña. Unha vez pasado o evento, pode verse o Simposio completo a través da súa canle de Youtube:

Enlace á sesión do venres.

Enlace á sesión do sábado (a mesa de profesións é a primeira desta sesión)

Video do XXI Simposio da Red Renta Básica
Novas ofertas de emprego

Estas son as ofertas de emprego máis recentes publicadas na web do Ceesg:

  • Coordinador/a de servizos sociais
  • Educador/a social
  • T. reforzo escolar e actividades de tempo libre
  • T. de intervención familiar
  • Orientador/a de piso de transición a vida independente
  • Prospector/a laboral
  • Corpos de profesorado, proceso de estabilización
  • T. de xestión cultural

Se estás á procura de emprego, recorda visitar regularmente a nosa web para estar ao tanto de todas as novidades.

Novas ofertas de emprego
Enquisa sobre actividades formativas do Ceesg

Queda pouco para rematar 2022, e toca avaliar o ano que remata para preparar o ano que entra.

No referente ás formacións, cursos e obradoiros que o Ceesg pon a disposición das súas colexiadas e colexiados é moi importante para nós coñecer o grao de satisfacción das/os participantes así como a opinión, suxestións e propostas de cara a configurar unha oferta formativa atractiva, de calidade e, sobre todo, útil de cara ao 2023.
Dende o Ceesg queremos poñer o foco en dous eixos. Por un lado a adquisición de novas ferramentas de traballo que actualicen e perfeccionen as habilidades na práctica laboral diaria e por outro abrir novas portas no mercado laboral para as educadoras e educadores sociais en procura de emprego.
Para enfocar do xeito máis acertado a planificación formativa cara o ano 2023, pregámosche que nos axudes enviando a túa opinión no seguinte cuestionario. Só che levará un momento e para nós resulta información moi valiosa.

Ir ao formulario.

Grazas por axudarnos a mellorar, entre todas e todos facemos da Educación Social unha profesión máis forte e visible.

Enquisa sobre actividades formativas do Ceesg
Presentación do libro ‘La mirada horizontal’

Moi pronto teremos ocasión de escoitar a David Vázquez, educador social, psicopedagogo e dinamizador sociocultural, presentando o seu libro ‘La mirada horizontal. Historias sin hogar de un educador social’.

O Ceesg, a Universidade de Santiago, o grupo SEPA da USC, e a Universidade da Coruña, organizamos sendas presentacións en Santiago e A Coruña, que terán lugar os días 30 de novembro e 1 de decembro respectivamente.

David Vázquez, co seu libro La mirada horizontal, invítanos á reflexión e ao diálogo facendo falar á experiencia a través de relatos e historias de educación social vividas en primeira persoa en diferentes ámbitos de intervención e cun mesmo denominador común: a exclusión. Comparte dúbidas, dilemas, acertos e fracasos en situacións profesionalmente emocionantes que só pasan traballando neste sector. Unhas inquedanzas, en definitiva, que responden á necesidade vital de escribir e de dar visibilidade á profesión de educar e ao desexo de transformar.

Lugares e datas das presentacións:

  • SANTIAGO: Mércores 30 de novembro ás 11:30 no salón de actos da Facultade de Ciencias da Educación da Universidade de Santiago (Campus Vida)
  • A CORUÑA: Xoves 1 de decembro ás 11:30 h. no salón de graos da Facultade de Ciencias da Educación da Universidade da Coruña (Campus de Elviña)
Presentación do libro ‘La mirada horizontal’
Hoxe comeza o XXI Seminario da Red Renta Básica

Hoxe e mañá, 28 e 29 de outubro, estaremos no Paraninfo da Universidade da Coruña, como parte da organización do XXI Simposio da Red Renta Básica.

Os colectivos de Renda Básica de Galicia traballan a favor da Renda Básica como unha idea de transformación e xustiza social. Están presentes en varias localidades do país, A Coruña, Betanzos e Santiago de Compostela, e teñen un obxectivo común: difundir e xerar debate público sobre a Renda Básica para a súa implementación o antes posible. E esta mesma motivación é a que persigue o seu Simposio.

Aínda que a inscrición para a asistencia presencial está pechada, podes seguir o desenvolvemento das diferentes ponencias en streaming a través de youtube.

Ver programa do XXI Simposio da Red Renta Básica

Ir á sala de youtube para ver en directo

Hoxe comeza o XXI Seminario da Red Renta Básica
Horario do Ceesg o día 31 de outubro

Aviso sobre o horario de atención:

O vindeiro 31 de outubro o horario do Ceesg será de 9:00 a 13:00 h.

Horario do Ceesg o día 31 de outubro
X Invernada de cine de Cabreiros

A casa escola de Cabreiros volverá acoller este outono a Invernada de Cine, que chega á súa décima edición con proxeccións durante os meses de novembro e decembro.
O Ceesg colabora un ano máis nesta iniciativa cultural levada a cabo pola Asociación de Veciños de Cabreiros e a Universidade de Santiago, co financiamento do Concello de Xermade e a Deputación de Lugo.
O programa contará con cinco proxeccións:

  • 5 de novembro, ás 18.00 h.: A mestra da Escola, presentado pola súa directora.

Documental de xornalismo de investigación histórica e testemuñal sobre as mestras rurais e a historia da educación en Galicia. Dirixido por Alba Prol e producido por Meteórica Cine, está destinado a un público amplo e heteroxéneo, especialmente para a comunidade educativa e para o ámbito familiar. Conta coa colaboración do Museo Pedagóxico de Galicia.

  • 19 de novembro, ás 18:00 h.: A Virxe Roxa, tamén presentado polo seu director.

Documental que narra o asasinato de Hildegart Rodríguez a mans da súa nai Aurora. En 1933 Aurora Rodríguez mata a tiros á súa propia filla Hildegart, mentres esta durmía. A moza, con só 18 anos, era unha das feministas máis destacadas da Segunda República Española. Pero tamén era un produto perfectamente calculado e deseñado pola súa nai para que fose a liberadora da muller. Os plans de Aurora non saíron como estaba previsto.

  • 3 de decembro, ás 18:00 h.: Contaba morrer, do monologuista e contacontos Lois Pérez.

Esta peza sintetiza moi ben a relación dos galegos e as galegas coa morte, e pon de manifesto certa retranca. Todo o mundo conta morrer, pero non sempre se lle pon nome. O espectáculo reflicte o optimismo tráxico que nos caracteriza aos galegos e as galegas. Haberá unha parte de narración oral, que será o groso da proposta, na que confluirán distintas historias, e na parte final, poesía…

  • 17 de decembro, ás 18:00 h. Sesión infantil. Teatro Infantil Ghazafhellos: Iriña Bailarina.

Un pirata, un xogador de futbolín, unha bailarina de caixiña de música e un único desexo; xogar sen límites para medrar sen “medidas”. Ghazafelhos propón reflexionar sobre a igualdade de xénero, o cambio de roles ou os estereotipos sociais. Iriña bailarina esculca na ruptura de roles convencionais a través dunha bailarina que vive nunha caixa de música e que devece por poder saír do espazo que a anoa a dar voltas sen cesar para poder xogar ao futbolín.

  • 30 de decembro, ás 19.30 h. Espectáculo infantil. Peter Punk: Punkdemia.

Peter Punk convértese no doutor Punkdemia, con un espectáculo viral no que ofrece a súa particular visión da Pandemia. Punkdemia céntrase en novas rutinas, descubriremos como se viste un pallaso para protexerse da covid-19, uso de máscaras, vacinas e o equilibrio necesario para facer fronte á desescalada.

Máis información no seu perfil de facebook

X Invernada de cine de Cabreiros
Plan de formación do Ministerio sobre infancia e servizos sociais

A Dirección General de Diversidad y Servicios Sociales, do Ministerio de Dereitos Sociais e Axenda 2030 publicou o seu Plan de formación para 2022, no que se inclúen cursos sobre infancia e servizos sociais. Hai formacións en liña e presenciais (un dos presenciais en Santiago de Compostela)

Inscricións ata o 23 de outubro.

Ir á web

Plan de formación do Ministerio sobre infancia e servizos sociais
Formación sobre o ISE e SEAF con módulo de protección de datos

O Informe Socioeducativo como ferramenta da Educación Social / Servizo de Educación e Apoio Familiar, con módulo de protección de datos.

Hai uns anos, o grupo de traballo do Ceesg aBeira asumiu o reto de desenvolver un modelo de informe socioeducativo que se configurase como un instrumento profesional para a recollida de información e o traballo de intervención realizado polas e polos profesionais da Educación Social, adaptándose á intervención socioeducativa en calquera ámbito de traballo. Este traballo, que contou coa colaboración de profesionais do sector e do eido académico universitario, tivo como resultado o modelo de Informe Socioeducativo (ISE) que actualmente está dispoñible para consulta e descarga na páxina web do Ceesg.
Hoxe continúa o traballo de aBeira para acadar a consolidación deste modelo como ferramenta básica das e dos profesionais da Educación Social en todos os ámbitos, así como a súa estandarización nos procedementos nos que se implican as administracións públicas ou outras entidades e institucións coas que se traballa en rede dende a nosa profesión.
Con este curso preténdese afondar na ferramenta para darlle o mellor uso por parte das educadoras/es sociais.

  • Duración e datas: O curso desenvolverase do 14 de novembro ao 16 de decembro, cunha carga lectiva de 50 h.
  • Modalidade: Realizarase en liña a través de plataforma de teleformación do Ceesg con varias conexións por videoconferencia, os mércores (16, 23, 30, 7 e 14) en horario de 17:00h -19:00h (horario pendente de confirmación definitiva).
  • Persoas destinatarias: Profesionais da Educación Social colexiadas/os no Ceesg ou estudantes de Educación Social amigas/os do Ceesg.
  • Cota de matriculación: Curso gratuíto.
  • Data límite de inscricións: 11/11/2022 ou ata completar prazas.
  • Nº de prazas: 30. (Será imprescindible activar o perfil de alumna/o na aula virtual na primeira semana do curso. Do contrario, a inscrición será anulada e disporase da praza para outra persoa que estea en lista de agarda, de ser o caso).

Ver información detallada do curso

Cupo de inscricións completado. Non se admiten máis inscricións.

Formación sobre o ISE e SEAF con módulo de protección de datos
Investigación sobre o benestar laboral das/os educadoras/es sociais

A Universitat Rivira i Virgili está desenvolvendo un estudo para o que precisa a colaboración de educadoras/es sociais que exercen a profesión en centros de protección á infancia. Esta investigación pretende coñecer algúns aspectos relacionados coas condicións nas que se desempeñan as funcións como educador/a social nestes centros, a partir da práctica socioeducativa, a identidade profesional e o benestar/malestar psicosocial das/os propias/os profesionais.

Animamos a todas as e os profesionais que cumpran con este perfil a colaborar con este estudo, como sempre facemos coas iniciativas que desenvolven coñecemento en relación á profesión.

Para a colaboración só hai que responder as preguntas dun cuestionario que se cubre en aproximadamente 15 minutos.

Acceso ao cuestionario

Investigación sobre o benestar laboral das/os educadoras/es sociais
Formación para profesionais do Ceesg respecto ao acollemento familiar

Durante o mes de novembro levaremos a cabo un curso sobre acollemento familiar, que será impartido por Acougo.
Con esta formación abordaremos a prevención da retirada de menores ás súas familias, pero tamén afondaremos nos recursos que ofrece o acollemento familiar, as súas vantaxes respecto á institucionalización e como traballar de cara a suplir a institucionalización cos acollementos. Ademais, serviranos para crear e fortalecer redes entre os distintos axentes do sistema de protección á infancia.

  • Datas: do 2 ao 30 de novembro.
  • Duración: 30 h.
  • Modalidade: En liña, a través da aula virtual do Ceesg.
  • Contidos: 5 bloques, dedicando 6 horas a cada bloque.
  • Avaliación: Realizarase unha proba final de cada un dos bloques realizados.
  • Prezo: 55€.
  • Dirixido a: Colexiadas/os ou amigas/os do Ceesg. Tamén poden participar colexiadas/os e figuras análogas á de ‘amigas/os’ de colexios profesionais de Educación Social doutros territorios.
  • Data límite de inscricións: 28 de outubro de 2022.

Ver información detallada do curso

Ir ao formulario de inscricións

Consulta aquí a normativa de formación do Ceesg

Formación para profesionais do Ceesg respecto ao acollemento familiar

Por que colexiarse?

Colexiarse significa participar do esforzo colectivo na loita pola dignificación, recoñecemento e regulación da Educación Social.

logo representativo