Nova CEESG

Proceso selectivo de Educadoras/es da Xunta

29 - 03 - 2021

O pasado sábado desde o Ceesg estivemos acompañando na OPE ás educadoras e educadores sociais, aínda que non da forma que nos gustaría, debido ás restricións COVID.

Seguiremos reivindicando unha OPE xusta para a #EducaciónSocial, reclamando o que nos corresponde, reivindicándonos como profesión esencial e visibilizando o valor da nosa profesión.

O cambio é posible, temos como exemplo o recoñecemento recente dunha escala propia de Educación Social na Comunidade Valenciana, grazas ao COEESCV (Col·legi d’Educadores i Educadors Socials de la Comunitat Valenciana)

Para que isto sexa posible a profesión necesita sumar forzas a través da Colexiación para potenciar o recoñecemento da profesión, acabar co intrusismo e a precariedade laboral. Lembra que temos en marcha a Campaña ‘Camiña con nós’, que para promover a colexiación implantou durante este ano unha reducción de cotas para novas colexiadas/os e tamén para as colexiadas/os que ‘conviden’ a outras educadoras/es sociais a facelo.

Animamos tamén a que sigades subindo fotos da xornada pasada, fotos coa máscara, coa chapa… #EducaciónSocialProfesiónEsencial

Na web da Xunta podedes consultar os exames e a plantilla de resposta. Deixamos enlaces:

Exame Acceso Libre

Plantilla de respostas Acceso Libre

Exame Promoción Interna

Plantilla de respostas Promoción Interna

Quizais che interese

Outras novas

Súmate á campaña do CGCEES para visibilizar a loita contra o Acoso Escolar
Súmate á campaña do CGCEES para visibilizar a loita contra o Acoso Escolar

A Comisión de Educación Social no Sistema Educativo do CGCEES convídate a participar na campaña do Día Internacional contra o Acoso Escolar (2 de maio).
A idea é moi sinxela: faite unha foto coa mensaxe #Yotambiénconstruyoconvivencia e envíalla a través deste Formulario
Tes ata o 25 de abril de 2021 (ata as 22.00 h.) para facer chegar a imaxe e a mensaxe, e axudarnos a visibilizar o traballo das Educadoras e os Educadores Sociais a favor da convivencia nos centros escolares.
A mellor forma de combater e erradicar o acoso escolar é a construción de convivencia no sistema educativo.

COMO PARTICIPAR:

Faite a foto no lugar desde o que constrúes convivencia.
O fío condutor é o sistema educativo e toda a súa contorna: ANPAS, colexios, institutos, asociacións, fundacións, ONG que desenvolvan programas en centros educativos, investigadoras/é, formadoras/é do profesorado, estudantes con interese en formar parte do sistema educativo, pais, nais e demais persoas que formen parte da comunidade educativa, coa mirada ampla que a educación para a convivencia implica.
Incluír na imaxe a mensaxe #Yotambienconstruyoconvivencia (en calquera dos idiomas oficiais do Estado, ou no que uses para construír convivencia).
Ser o máis orixinal posible, ou o máis sinxela, ou o máis auténtica, ou o máis ti. Iso si, debe ser unha foto túa, que queiras que forme parte da campaña, libre de dereitos de autor/a e autorizada nos termos que se inclúen no formulario.
Evidentemente, buscamos que as fotos as protagonicen Educadoras e Educadores sociais: somos a alma desta campaña!
Axúdanos a visibilizar a mensaxe a Educación Social É convivencia!

Formación Ceesg: FAGAMOS UN BO TRATO. Prevención sobre situacións de xénero e violencia sexual no contexto do consumo de drogas na mocidade
Formación Ceesg: FAGAMOS UN BO TRATO. Prevención sobre situacións de xénero e violencia sexual no contexto do consumo de drogas na mocidade

O grupo de traballo Fiadeiras do Ceesg, en colaboración coa Federación de Planificación Familiar Estatal (FPFE), ofrece unha serie de obradoiros gratuítos en liña sobre sexualidade e xénero, dirixidos a persoas colexiadas do Ceesg ou doutros colexios profesionais pertencentes ao CGCEES, así como a estudantes amigas/os do Ceesg e figuras similares doutros colexios.
O terceiro dos cursos que se ofrece é ‘FAGAMOS UN BO TRATO. Prevención sobre situacións de xénero e violencia sexual no contexto do consumo de drogas na mocidade’.

Datas: 26, 27 e 28 de abril.
Horario: de 17:00 a 19:00 h.

Xa está aberto o prazo de inscrición.

Ver información detallada e formulario de incricións

Novas ofertas de emprego
Novas ofertas de emprego

Estas son as ofertas de emprego máis recentes publicadas na web do Ceesg:

  • Educador/a social
  • T. de infraestruturas culturais
  • Monitor/a de tempo libre
  • Axente de emprego e desenvolvemento local

Se estás á procura de emprego, recorda visitar regularmente a nosa web para estar ao tanto de todas as novidades.