Nova CEESG

Día Internacional da Educación Social 2021. Celebramos 20 anos en valor

22 - 09 - 2021

Cada 2 de outubro celébrase o Día Internacional da Educación Social. Un día importante para a profesión, que dende o Ceesg enfocamos en poñer en valor a Educación Social, en dala a coñecer. É algo que vimos facendo todo o ano, pero que cobra un sentido especial nesta data, na que levamos a cabo iniciativas para divulgación do noso labor.

29 de setembro. Festexamos en Ourense o Día Internacional da Educación Social

Ourense é o escenario escollido para levar a cabo un completo programa, que desenvolveremos coa colaboración da Facultade de Educación do Campus de Ourense, do seu alumnado e profesorado. Ver detalles (Atención! Cambio de ubicación: será na parte de arriba do Parque de San Lázaro)

Premios 7º TFG.eduso

O 2 de outubro farase público na web www.ceesg.gal o resultado do 7º Concurso TFG.eduso, que premiará os mellores traballos de fin de grao de Educación Social das universidades galegas dos cursos 2018/2019 e 2019/2020.

#EdusoMes

Ao longo do mes de outubro publicaremos nas nosas redes sociais breves vídeos de colexiadas e colexiados con diferentes perfís profesionais, que compartirán coa comunidade colexial as súas opinións sobre a Educación Social.

Iniciativas CGCEES

Como entidade membro do Consejo General de Colegios de Educadoras y Educadores Sociales, sumarémonos ás iniciativas que este propoña para visibilizar a profesión e reivindicar o seu papel fundamental na sociedade.

Esperámosvos en Ourense, e nas redes!

Educación Social en Galicia. 20 anos en valor

Día Internacional da Educación Social 2021. Celebramos 20 anos en valor

Quizais che interese

Outras novas

IX Invernada de cine de Cabreiros
IX Invernada de cine de Cabreiros

Un ano máis o Ceesg colabora coa Invernada de Cine de Cabreiros, que vai xa pola súa IX edición. Unha iniciativa de carácter cultural promovida pola asociación de veciños desta parroquia xermadesa e a Universidade de Santiago, coa colaboración do Ceesg e financiamento da Deputación de Lugo e o Concello de Xermade.

O Colexio de Educadores e Educadoras Sociais de Galicia encargarase da presentación doa primeira das proxeccións, o vindeiro 23 de outubro. ‘A poeta analfabeta’, baixo a dirección de Sonia Méndez, é o documental que inaugurará a invernada, cunha temática que nos achega á figura de Luz Fandiño, poeta e activista compostelá, nacionalista e feminista que se viu na obriga de emigrar na época franquista pero nunca perdeu de vista Galicia, onde retornou anos máis tarde, rematada a ditadura.

A IX Invernada de Cine de Cabreiros estrutúrase en 6 sesións que se desenvolverán entre o 23 de outubro e o 18 de decembro e que inclúen non só proxeccións audiovisuais, senón tamén outras actividades como un espectáculo de maxia, un monólogo, unha peza teatral e a presentación dun libro.

O aforo está limitado, polo que é necesario anotarse previamente chamando ao 686 104 780 ou 606 282 251.

Máis información no seu perfil de facebook

Novas ofertas de emprego
Novas ofertas de emprego

Estas son as ofertas de emprego máis recentes publicadas na web do Ceesg:

  • Educador/a social
  • Persoal directivo e docente obradoiro dual de emprego
  • Persoal directivo e docente obradoiro dual de emprego
  • Técnica/o de intervención familiar

Se estás á procura de emprego, recorda visitar regularmente a nosa web para estar ao tanto de todas as novidades.

Reclámase unha rede de recursos terapéuticos con profesionais especializadas/os para persoas cunha demencia neurodexenerativa
Reclámase unha rede de recursos terapéuticos con profesionais especializadas/os para persoas cunha demencia neurodexenerativa

A Federación Alzhéimer Galicia xunto cos colexios profesionais de educación social (CEESG), fisioterapeutas (COFIGA), psicoloxía (COPG), terapia ocupacional (COTOGA) e traballo social (COTSG) manifestan a súa preocupación pola falta de recursos terapéuticos desenvolvidos por equipos de profesionais especializados na atención ás demencias neurodexenerativas.

Os avances sociais e sanitarios producidos na sociedade galega durante as últimas décadas veñen de transformar o perfil e as necesidades das persoas maiores da nosa comunidade, que precisan novos xeitos de intervención.

A importancia dun envellecemento activo e saudable que sirva para previr e detectar de xeito precoz as demencias neurodexenerativas ten que transformarse nun piar dos servizos de atención sociosanitaria en Galicia e atender esta realidade en todo o proceso que vai dende a prevención ata a intervención terapéutica.

Neste sentido as Casas do Maior son unha ferramenta de apoio comunitaria das persoas maiores, sobre todo na loita contra a soidade non desexada, pero carecen de carácter terapéutico e non garanten unha atención integral e interdisciplinar.

Así mesmo, ante a alta prevalencia das demencias neurodexenerativas en persoas maiores e a intensa campaña que se está a realizar a favor do envellecemento activo e detección precoz, urxe o desenvolvemento de recursos especializados de atención a persoas con deterioro cognitivo leve en todo o territorio rural de Galicia.

É preciso achegar os recursos de promoción e prevención, que están dentro da carteira de servizos de atención a dependencia, ao contorno rural, establecendo puntos de atención á cidadanía nos distintos concellos de Galicia

Estes recursos ofrecen, mediante a intervención de profesionais especializadas/os en atención ás demencias, unha serie de servizos para as persoas afectadas e as súas familias, ademais de enriquecer o contorno social onde leven a cabo e axudar a fixar poboación.