Nova CEESG

Aberto o período de inscricións do VIII Congreso Estatal de Educación Social

25 - 03 - 2021

O VIII Congreso Estatal de Educación Social abre o seu período de inscrición a través dunha nova plataforma de xestión integrada na súa páxina web.
O Congreso, aprazado en 2020, e que se celebrará a semana do 20 ao 25 de setembro de 2021, en Etopía, Centro de Arte e Tecnoloxía de Zaragoza, co lema ‘Educación Social: Dignidade e Dereitos en tempos de pandemia’ comeza o seu período de inscrición no seu espazo web: www.congresoeducacionsocial.org
Desde hoxe poderanse realizar as inscricións para este evento que se adaptou metodoloxicamente para ser completamente virtual (todo o contido en liña) e en función da situación sanitaria abrirase á presencialidade. As persoas interesadas en asistir presencialmente ao Congreso deberán indicalo á hora de realizar a inscrición. Respecto ás tarifas do Congreso, prevíronse a tarifa Xeral, tarifa Eduso (para profesionais da educación social) e a tarifa Reducida (estudantes e desempregados).
Á hora de realizar a inscrición tamén debe de escolerse a participación nun dos dezaoito talleres ofertados, xa que as prazas están limitadas para favorecer a interacción. Estes talleres teñen diversos contidos relacionados cos eixos principais do congreso: ‘a dignidade das persoas, as/os profesionais e o dereito á educación social’; e ‘a acción socioeducativa como acción transformadora’. A plataforma de inscrición permite visualizar o aforo restante en cada un dos talleres no momento de realizar a inscrición.
O congreso abriu un novo prazo para presentar contribucións (comunicacións, posters e experiencias), que se prolonga ata o 15 de abril de 2021. Aquelas que sexan aceptadas, serán publicadas na revista RES Revista de Educación Social.
Recorda que podes seguir toda a actualidade sobre o congreso na súa web e a través das súas redes sociais Facebook, Instagram, Twitter e Telegram.

Quizais che interese

Outras novas

Súmate á campaña do CGCEES para visibilizar a loita contra o Acoso Escolar
Súmate á campaña do CGCEES para visibilizar a loita contra o Acoso Escolar

A Comisión de Educación Social no Sistema Educativo do CGCEES convídate a participar na campaña do Día Internacional contra o Acoso Escolar (2 de maio).
A idea é moi sinxela: faite unha foto coa mensaxe #Yotambiénconstruyoconvivencia e envíalla a través deste Formulario
Tes ata o 25 de abril de 2021 (ata as 22.00 h.) para facer chegar a imaxe e a mensaxe, e axudarnos a visibilizar o traballo das Educadoras e os Educadores Sociais a favor da convivencia nos centros escolares.
A mellor forma de combater e erradicar o acoso escolar é a construción de convivencia no sistema educativo.

COMO PARTICIPAR:

Faite a foto no lugar desde o que constrúes convivencia.
O fío condutor é o sistema educativo e toda a súa contorna: ANPAS, colexios, institutos, asociacións, fundacións, ONG que desenvolvan programas en centros educativos, investigadoras/é, formadoras/é do profesorado, estudantes con interese en formar parte do sistema educativo, pais, nais e demais persoas que formen parte da comunidade educativa, coa mirada ampla que a educación para a convivencia implica.
Incluír na imaxe a mensaxe #Yotambienconstruyoconvivencia (en calquera dos idiomas oficiais do Estado, ou no que uses para construír convivencia).
Ser o máis orixinal posible, ou o máis sinxela, ou o máis auténtica, ou o máis ti. Iso si, debe ser unha foto túa, que queiras que forme parte da campaña, libre de dereitos de autor/a e autorizada nos termos que se inclúen no formulario.
Evidentemente, buscamos que as fotos as protagonicen Educadoras e Educadores sociais: somos a alma desta campaña!
Axúdanos a visibilizar a mensaxe a Educación Social É convivencia!

Formación Ceesg: FAGAMOS UN BO TRATO. Prevención sobre situacións de xénero e violencia sexual no contexto do consumo de drogas na mocidade
Formación Ceesg: FAGAMOS UN BO TRATO. Prevención sobre situacións de xénero e violencia sexual no contexto do consumo de drogas na mocidade

O grupo de traballo Fiadeiras do Ceesg, en colaboración coa Federación de Planificación Familiar Estatal (FPFE), ofrece unha serie de obradoiros gratuítos en liña sobre sexualidade e xénero, dirixidos a persoas colexiadas do Ceesg ou doutros colexios profesionais pertencentes ao CGCEES, así como a estudantes amigas/os do Ceesg e figuras similares doutros colexios.
O terceiro dos cursos que se ofrece é ‘FAGAMOS UN BO TRATO. Prevención sobre situacións de xénero e violencia sexual no contexto do consumo de drogas na mocidade’.

Datas: 26, 27 e 28 de abril.
Horario: de 17:00 a 19:00 h.

Xa está aberto o prazo de inscrición.

Ver información detallada e formulario de incricións

Novas ofertas de emprego
Novas ofertas de emprego

Estas son as ofertas de emprego máis recentes publicadas na web do Ceesg:

  • Educador/a social
  • T. de infraestruturas culturais
  • Monitor/a de tempo libre
  • Axente de emprego e desenvolvemento local

Se estás á procura de emprego, recorda visitar regularmente a nosa web para estar ao tanto de todas as novidades.